الجرح..فهد المساعد

ياصغيّر السن قدرك طاحت أبراجه
الجرح خلى الصخر ينطق ونطقني
خلاص ماعاد تعنينـي ولا حاجـه
رح جعل ربـي يوفقـك ويوفقنـي
من بعد ما كنت نور العمر وسراجه
اليوم صرت الظلام اللي يطوقنـي
عطيتك أكثر من اللي كنت تحتاجـه
أسرفت فـالحب لين الحب وهقنـي
خلاص مالي ومال الحب وإزعاجه
مالي ومال الدروب اللي تضايقنـي
تعبت أضم البحر واهـدي أمواجـه
تعبت أجامل وأشوف الوقت يسرقني
شكواي للي عليه الضيق وافراجـه
اللي إذا شاء يرحمنـي ويرزقنـي
أما انت يابو جبين عقّـد احجاجـه
لاعاد تسأل علامك منت طايقنـي
الناس كلٍ علـى دربـه ومنهاجـه
وأنا عن الناس مابه شـي يفرقنـي
إلا اني دايم أحب الصدق وأواجـه
مخلوق والله على هالوضع خالقنـي
حتى رفيقي ضماد القلب وعلاجـه
على كثر ما أتمسك فيـه صدقنـي
لو ادري انه مرافقني على حاجـه
لاامسّكه حاجتـه وأقـول فارقنـي